Hmarchhaka cancer tam palina Meghalaya

Ramchhunga cancer tamna ber hmun chu hmar­chhak a ni a, chung zingah chuan Meghalaya chu palina niin Mizoram, Arunachal Pradesh leh Manipur hnuaiah a awm tih Thawhṭanni khan Meghalaya Assembly-ah sawichhuah a ni.

Health Minister A L Hek chuan mipuite an fimkhur leh zual tawh thu sawiin hemi a nih avang hian check up-a kal pawh an pun thu a sawi a, hei vang hian cancer case register pawh a pung sawt niin a sawi.

Hek chuan population based cancer registry-ah chuan hmarchhak chu ram chhungah kan san ber thu a sawi a, Mizoram, Arunachal Pradesh leh Manipur-te bakah Meghalaya chu can­cer register tamna a nih thu Congress MLA Ampareen Lyngdoh zawhna a chhannaah a sawi a ni.

Minister chuan Shillong Civil Hospital-a cancer department-ah 2012 aṭang khan mi 7207 an in register thu a sawi.

Hek chuan cancer vei mi 1994 tan, Meghalaya Health Insurance scheme 2012 a tlangzarh tak hnuaiah insurance cheng vaibelchhe 1.2 man hu an pechhuak tawh tih a sawi bawk.