Manipur : SC in officer hming chuan-na FIR phut

Supreme Court chuan Thawhṭanni khan thupek tichhuakin CBI hnuaia SIT-te chu Manipur-a extra-judicial killing case-a in­hnam­hnawih Army, Assam Ri­fles leh Police officer-te hming tarlanga FIR thehlut turin a hriattir.

Justice Madan B. Lokur leh Justice U.U. Lalit te awmna bench chuan Special Investigation Team (SIT)-te chu extra-judicial killing case-a inhnamhnawih officer-te hming ziaklangin suplementary FIR thehlut turin an hriattir a, NHRC-te chu pui turin an ti bawk.

Supreme Court chuan judicial inquiries leh Gauhati High Court thuchhuah chuan Assam battalion commanding officer inhnamhnawih te hming a ziahlan thu tarlangin heng officer-te hming hi FIR-ah hmuh tur a awm lo tih a tarlang bawk.

Manipur extra-judicial killing case-ah hian case 2528 zet PIL chu court hian a ngaithla a ni.

Advocate Menaka Guru­swamy-an March thla khan he case kaihhnawihah hian FIR 11 thehluh ni mah se Army, Assam rifle leh Manipur police-te hming engmah ziah lan a nih loh thu leh Gauhati High court report-ah erawh a lan thu a sawichhuah hnuah SC hian thupek hi a tichhuak ta a ni.

Nikum July 14 khan apex court chuan SIT, Central Bureau of Investigation (CBI) officer panga awmna chu Manipur-a extra-judicial killing case chhui chiang tur hian a din a ni.