Tripura : Kum tling lo pawngsual rawn
Ramchhung hmun hrang hrangah Asifa pawngsual leh thah a nih vanga duh lohna lantir a nih lai mekin hmeichhia te laka hleihlenna thlen chuan ziaawm lam a la pan hleithei lo a, Tripura-a hmeichhe tleirawl kum 16 mi chu Pathianni zan khan pawngsual rawn a nih thu Police-te chuan an sawi.
He hmeichhe tleirawl hi state pumin Pathianni zana Bengali New Year an lawm lai khan a tution kal haw chu Jail quarter bul, Akon-Bakon area-a thlenin mipa panga in ru bo in jail-a hnathawk ṭhin pakhat quarter pakhatah an pawngsual rawn tih report chuan a tarlang.
A tution kal hi Thawhṭanni zing khaw var hma thleng pawh khan a la haw loh avangin a chhungte manang chuan Police hnenah an thlen a, case-te ziahluh a nih hnuah Dharmangar Police-te chuan an zawng nghal a ni.
Police-te hian a hma zana mi panga jail quarter pakhata an lut tih thu an dawn chu bawhzuiin quarter-ah hian an luhchilh ve nghal a, hmeichhe tleirawl pawh hi an chhanchhuak a, ru boa pawngsualtu te pawh hi an man nghal bawk.
An mi mante hnen aṭang hian bike ruk bo pathum pawh an hmu let bawk niin police-te chuan an sawi.
Dharmanagar Wo-men Police Station pawhin jail-a thawk ṭhin Purnabasi Debbarma lakah IPC Section 366 (A)/ 511/376/341 hnuaiah case hi an ziaklut ve nghal niin Dharmanagar Police Station official chuan a sawi.