Meghalayan Age Festival buatsaih dawn

Meghalaya chief minister Conrad Sang­ma chuan March thla hian Thadlaskein Lake-ah tourism event pui tham tak buatsaih a ni dawn tih a sawi. 

CM chuan March thla chawlhkar hnih­naah ni kua awh tur, 'Meghalayan Age Festival' buatsaih a nih tur thu sawiin, hei hi tourism lam chawi­larna tur a nih tih a sawi nghal bawk. 

"Meghalayan Era-ah kan cheng mek a, hei hi khawvel kan hriattir a ngai a ni. He festival hmang hian Meghalaya ropuina kan chawi lar dawn a, khualzinte pawh state chhunga thil hrang hrang rawn chhim leh tawnhriat nei turin kan sawm a ni. Festival hriatreng tlak ni turin activity hrang hrang, music leh cultural event te buatsaih a ni ang," a ti. 

Festival-ah hian hot air balloon, caving leh glamping te buatsaih a ni dawn tih sawiin, glamping hi an vawi khat an buatsaihna tur a ni tih a sawi bawk. Hemi atan hian khualzinte tan 5-star luxury tent 50 siam a ni dawn ang. "Meghalaya hi khawvel hriata chawi lar kan tum a, Meghalayan Age Festival pawh hi tourism plan bul ṭanna tur pakhat a ni," tiin CM chuan a sawi.