AP : Tibetan refugee-te hamṭhatna pahnih hmu-ah puh

Arunachal Pradesh-a All Tawang District Students’ Union (ATDSU) chuan state deputy commissioner hnenah memorandum thehlutin, Tibetan refugee-te chuan Scheduled Tribe certificate leh refugee card an neih kawp avangin hamṭhatna pahnih an hmuh thu an ziak a, enfiah turin an ngen.

Memorandum-ah hian Tawang district-a chhungkaw tam tak chuan Arunachal Pra­desh Scheduled Tribe (APST) certificate bakah refugee card an nei bawk tih an ziak a, hemi a nih avang hian hamṭhatna pahnih an hmuh theih thu ziakin pakhat zawk zawk hi chu surrender tura an duh thu an ziak.

Union chuan thuneitu lam chu Tawang district-a cheng te uluk zawka enfiah tura an duh thu an thlen bawk a ni.

Memorandum-ah chuan sorkar quarter sakna tura ram dah te chu mimalin an neih thu ziakin sorkar quarter tam tak te chu an bo zawh tawh thu leh mimal in in a luahlan thu an ziak.

ATDSU chuam Arunachal-a Tibetan refugee ho zingah Chinese spy an awm thu an thlen bawk a, ram himna atan a pawi theih thu thlenin state sorkar mai bakah New Delhi chu hemi chungchang enfiah tura inrawlh tura an duh thu an thlen bawk. Hemi chungchanga hma la tur hian sorkar laipui pawh an ngen thu an ziak lang bawk a ni.