Sorkar in kawngpui siamṭha dawn : Meghalaya CM

Garo Student’s Union (GSU), Southern Zone ai­awhte chuan Nilaini khan Chief Minister Conrad K. Sangma chu hmuin South Garo Hills-a NH-62 leh NH 62 (E)-te double lane-a siam tura hmalak vat a nih theihna turin memorandum an thehlut.

Chief Minister chuan GSU aiawhte hnenah sorkar in kawngpui siamṭhat nan hma an la ngei dawn tih sawiin kawngpui inkalpawhna bakah communication lamah pawh hmasawnna a awmna turin state sorkar chuan theihtawp in hma an la dawn tih a sawi.

GSU-te hian kawngpui siamṭhat a nih theih nana ngen­na an thlen bakah hian Bagh­mara-a Me. ECL Division Off­ice siam te, Baghmara Civil Hospital tihchangtlun te, Bagh­mara Government Higher Secon­dary School infrastructure tihchangtlun leh staff lakbelh te bakah sorkar department building siamṭhat leh PWD kawngpui siamṭhat a ṭul thu te pawh an thlen a ni.