Nagaland in loneimite tan Mobile App tlangzarh

Nagaland sorkar chuan Thawhlehni khan loneimiten an harsatna te an thlenna tur leh an thlai chin tichhe thei natna chanchin an en theihna tur Mobile Application a tlangzarh.

Agriculture Minister G. Kaito Aye chuan he Mobile Application hi tlangzarhin android phone a hman theih tura duan a ni a, a hming­ah ‘NagaFarmDoctor’tih a ni.

State Department of Agri­culture chuan app hi feature pahnih awmin an siam a, a feature pakhat zawkah chuan loneimiten an harsatna te an thlenna tur leh anni pawhin an chhan theihna tur dah a ni a, a feature pakhat zawk chu thlai eichhe thei tur natna leh rannung chanchin te en theihna a ni thung.

App hmang hian loneimite hi anmahni ho an inbe pawp thei bawk a, WhatsApp ang deuhin a hman theih a ni.

App tlangzarhnaah hian Minister chuan department official-te chu state chhung hmun kilkhawr zawk te tlawh turin in leh loneimite chu anmahni intodelh tura fuih turin a chah nghal a ni.