Nagaland : ECI in NDPP party status pe!

The Election Commission of India (ECI) chuan party thar Nationalist Democratic Progressive Party (NDPP) chu Nagaland-a ‘State Party’-ah a pawm tih NDPP official thuchhuah chuan a tarlang.

Nimina NDPP Media & Communications Committee thuchhuah chuan April 17 khan ECI chuan NDPP chu Legislative Assembly of Nagaland, 2018 inthlan hnu­hnung bera an performance aṭangin state party ni thei tura tihhlawhtlin ngai Para 6A (i), (iii) and (v) of the Elec­tion Symbols (Reservation & Allotment) Order, 1968-a inziak chu an tihhlawhtlin avangin Nagaland-a state party atan pawm an nih thu a tarlang.

ECI chuan NDPP symbol atana 'Globe' hman pawh chu a phalsak nghal bawk.

NDPP hi May 17, 2017-a din chauh niin party naupang tak an la ni a, October 13, 2017 kha ECI chuan political party-ah a ziaklut ve chauh a ni. Heti chung hian kumin February thlaa Nagaland Legislative Assembly inthlanah khan an cheṭha hle a, BJP nen ṭangrualin Nagaland-ah People’s Democratic Alliance (PDA) hmingin sorkarna an siam thei a ni.

NDPP thuchhuah chuan ECI in state party atana a pawm chu lawmawm an tih thu an tarlang a, state mipuiten an thlawp avang­in lawmthu an sawi bawk.

NDPP party chuan an motto “Deeds not Words” a nih ang ngeia state chhunga mipui zawng zawng hmasawnna thlen chu an tum ber a nih thu an tarlang a ni.