Manipur inFishery Project nei thei : Vice President

Vice President M. Venkaiah Naidu chuan Nilaini khan Manipur-a loneimite lakluh tihpunna turin state chhungah fishery leh aquarium project kalpui theih a nih thu a sawi a, Manipur chuan hetiang project kalpuina tur hian ruahtui kum khat chhungin a hmu tam tawk tih a sawi.

Imphal-a City Conven­tion Centre-a thu a sawinaah Venkaiah Naidu chuan hetiang project hi Manipur mai bakah hmarchhak hmun dangah pawh kalpui theih a nih thu a sawi bawk. City Convention Centre-ah hian loneimite sum lakluh zat tihpun dan tur chungchang sawihona neih a ni.

Manipur chuan sangha, pengba, sawhthing, damdawi siamna thlai leh khawvel pum huapa lar black rice an tharchhuah thu sawiin a boruak ṭhat avangin lonei­mite chuan hlawkna tam zawk an tel thei dawn tih a sawi.