The Shillong Times Editor in beih duh lohna lantir

Meghalaya Journalist-te chuan Shillong Times Editor Patricia Mukhim-i chenna in Thawhlehni zana mi tu tih hriat loh ten bomb hmanga an beih duh loh lantir nan Ningani khan ngawi rengin kawng an zawh.

Ngawi renga kawng zawh hunah hian firm hrang hrang media mi te an tel a, Ningani tlai dar 2.30 velah khan Shillong Press Club, Lachumiere aṭangin kawng an zawh a ni.

Journalist-te hian freedom of press beih duh lohna lantirna thu­ziak te an keng a, Mukhimi-i pawh­in kawngzawh hi a zawm ve bawk.

Thawhlehni zan khan Shillong Times Editor chenna in Umpling ami chu mi tu tih hriat loh ten petrol bomb hmangin an vawm a, dar­thlalang te pawh a tichhia a, thi leh hliam erawh an awm lo a ni.

India ramchhung hmun hrang hranga media union-te pawhin Mukhimi in beih an duh loh thu hi an puangchhuak bawk.