VP in Assam sorkar Cashless Health Scheme tlangzarh

Vice President M Venkaiaha Naidu chuan Nilaini khan Assam sorkar hmalakna in Cashless Health Scheme a tlangzarh.

He scheme hnuaiah hian Below Poverty Line (BPL) leh Above Poverty Line (APL) chhungkua ten cheng nuai hnih man hu thleng free medical care an nei thei dawn a ni.

He cashless scheme hi ‘Atal Amrit Abhiyan’ tih a ni a, Venkaiah Naidu chuan state chhunga mipui cheng, kum khata cheng nuai nga lalut tlinglo zinga 92% chu a huam thei dawn tih a sawi.

Vice President chuan Assam sorkar in pro-poor scheme an kalpui thei chu a lawmpui thu sawiin ramchhungah mi rethei, BPL nia chhal chin mi maktaduai 63 vel an awm nia chhut a nih thu a sawi a, hemi a nih avang hian heng mi harsa tak tak te hian an hriselna kawnga hma an sawn theih nan hetiang scheme hi an mamawh hle tih a sawi bawk.

Naidu chuan scheme chu a nihna ang tur taka kalpui a nih chuan mi rethei tam takin an chhawr ṭangkai dawn a ni, a ti. He scheme tlangzarh theia a awm chu a lawm thu sawiin hriatreng a ni tawh dawn tih a sawi a, state chhungah mai ni lo rampum tana thil hriatreng tawh tur a nih thu a sawi a, hriselna chu hausakna a ni, a ti bawk.

Cashless Health Scheme hi Prime Minister hlui Atal Bihari Vajpayee hmingchawia ‘Atal Amrit Abhiyan’ tih a ni a, sorkar hian 2018-19 financial year-ah he scheme atan bik hian cheng vaibelchhe 400 a dah thu Naidu chuan a sawi.

Naidu chuan commu­nicable disease do letna kawngah India in hma a sawn thu a sawi a, non-communicable diseases lamah erawh chona lian tak kan la hmachhawn tih a sawi bawk. School zawng zawngah non-communicable diseases chungchang hi zirlaiah telh a ṭul thu sawin, physical exercise chu school-ah ngei ngeia practice a hun tawh tih a sawi bawk a ni.