Assam-ah IOC in 'LPG Panchayats' buatsaih dawn

Hmarchhaka smoke­less village siam tumna leh LPG connection mi tam zawkin an neih theihna tura hmalakna kal zelah Indian Oil Corporation Ltd chuan vawiin hian Assam-ah ‘LPG Panchayats’ 296 buatsaih a tum tih comany official chuan a sawi.

Ministry of Petroleum and Natural Gas chuan nimin khan Gram Swaraj Abhiyan (GSA) scheme peng pakhat ‘Ujjwala Diwas’ a puang a, hemi puala hmalakna pakhat atan vawiinah hian LPG Panchayats 296 Assam hmun hrang hrangah buatsaih a ni dawn tih IOC Assam Oil Division’s Chief General Manager Uttiya Bhattacharya chuan a sawi a ni.

IOC hian hmarchhak hmun hrang hrangah LPG connection pekchhuah hna a kalpui mek a, May 5 hi chuan connection nuai 6.55 pekchhuah hman an tum. Assam bikah hian district 27-a thingtlang khaw 3,042 hnenah smokeless village a siam a nih theih nan connection hi pek mek a ni a, April 14 aṭang khan hma an la ṭan tawh a ni.

Bhattacharya chuan Assam-a chhungkaw nuai 71.39 vel awm nia chhutah 64.8% vel in LPG connection an nei tawh tih a sawi a, financial year hnuhnung berah khan connection ti thar nuai 14.50-an awm thu a sawi bawk.

GSA campaign hi ‘Sabka Sath Sabka Gaon Sabka Vikas’ hnuaia kalpui niin sorkar laipuiin LPG hman uar zawk tura a hmalakna a ni.