Sikkim-ah One Family, One Entrepreneur scheme tlangzarh

Sikkim chief minister Prem Singh Golay chuan state chhunga ṭhalai leh thingtlang lam mite sorkar scheme hrang hrang katlanga puihna tur, 'One Family, One Entrepreneur' scheme siam chu a hawng.

Pakyong, East Sikkim-a Sikkim Entrepreneurship and Economic Development Society (SEED) ten Sikkim Grameen Udyami Sammelan an buatsaihah Pathianni khan CMchuan he scheme hi a hawng a, cabinet minister-te leh sorkar official eng emaw zatin an ṭawiawm a ni.

CM chuan 'One Family, One Entrepreneur' chuan One Family One Job nen a in ang lo tih sawiin, he scheme kaltlang hian state chhunga sumdawngte puihna turin sorkar chuan a theih angin hma a la zel dawn tih a sawi. Hripui leng vanga sumdawng hrang hrangte harsatna tawhte pawh a hriatthiampui thu a sawi bawk.

Sikkim chuan entrepreneurship-ah rinna a nghah ngam a, sorkar hna ringawt ngaihtuah loa ṭhalaiten risk an lak ngam a ṭul thu sawiin, sorkar chuan a theih chinah a lo thlawp zel dawn tih CM chuan a sawi. Huaisen taka ke pen ngam tura ṭhalaite a fuih.