Manipur-a hmeichhe bazar hawng leh tawh dawn

Manipur khawpui, Imphal-a hmeichhe pual bazar, Nupi Keithel chu hri leng vanga thla nga chhung khar a nih hnuah an hawng leh thei dawn ta.

State chief secretary Dr Rajesh Kumar chuan all-women market hawn dan tur chungchangah thuchhuah siamin, Imphal Municipal Corporatoin (IMC) he bazar-a inzuar ṭhinte chu group-ah ṭhenin, a chhawkin an inpho thei dawn a ni. Pathianniah erawh chuan bazar hi kharin tih thianghlim ṭhin a ni ang.

Nikum leh kumin kumtir thleng khan hripui leng vanga Nupi Keithel hi hun rei tak khar a ni a, February thla khan boruak a ziaawm chhoh avangin hawn tir an ni. Mahse hri leng thawh hnihna thleng leh vangin April thla khan khar zui leh a ni.

Imphal-ah hmeichhe pual bazar, Nupi Keithel market pathum awmin, hengah hian hmeichhia dawr nei, licence pek chhuah 3,500 chuang an awm a ni. India ram chauh ni lo, Asia ramah pawh hmeichhe pual bazar lian ber zingah an tel.