NSCN-NK leh NSCN-R-te nena inkahhai puan pawtsei

Sorkar laipui chuan Zirtawpni khan thuchhuah siamin Nagaland-a hel pawl pahnihte nen inkah­hai an puan chu kum khat dang an pawtsei leh tih a tarlang a, he inremna hi April 28 aṭangin hmanṭan a ni dawn tih a sawi bawk.

Sorkar laipuiin in­kah­hai a puan pui te hi National Socialist Coun­­cil of Nagaland-Refor­mation leh National Coun­cil of Nagaland-Neo­pao Konyak/ Kitovi-te an ni.

Home Ministry thu­chhuah chuan NSCN-NK leh NSCN-R -te nena inkahhai puan chu April 28 thleng pawhsei a nih thu tarlangin kumkhat chhung chu an lakah beih­pui pawh an thlak hrih dawn lo tih an tarlang.

He inremna hi Ningani khan Home Ministry aiawhin Joint Secretary Satyendra Garg, NSCN-NK aiawhin Jack Jimomi, supervisor GPRN/NSCN leh Viniho Kiho Swu, co-supervisor bakah NSCN-R aiawhin Toshi Longkumer te chuan an ziak tih Home Ministry thuchhuah chuan a tarlang.

Nagaland-ah hian kar kaltaa sorkarin inremna a siampui hel pawl pahnih bakah hian helpawl lian tak tak pahnih dang NSCN-Isak-Muivah leh NSCN-Khaplang te an la awm bawk a ni.

Sorkar laipui chuan NSCN(IM)-te hi 1997 khan inkahhai a lo puan pui tawh a, vawiin thleng hian la zawm reng a nih laiin NSCN-K erawh hi chuan inkahhai an puan bawhchhiain Manipur-a military convoy, June 2015-a an beih ṭum khan sipai 18 lai an kaphlum a ni.