Manipur Imphal East district-ah buaina chhuak

Manipur sorkar in Manipur-a Imphal East district-ah Sagolmang-a damdawiin, constituency dang Keirao-a sawn tura thutlukna a siam duh loh vangin Inrinni khan mi tam tak an pungkhawm a, pungkhawm te hnawhdarh nan hian police-te chuan tear gas-te hmang hialin mi eng emaw zatin hliam an tuar.

Police-te chuan Inrinni hian buaina chhuahna hmun Khundrakpam area-a in eng emaw zat chu dapin activist pahnih S. Inao leh Laishram Bijen-te chu buaina chawkchhuak zawnga mipui fuihpawrhah puhin an man bawk.

Activist pakhat chuan Khundrakpam constituency-ah hian Congress member T. Lokeshor chu thlan tlin a nih avangin, BJP sorkar chuan Sagolmang aṭangin BJP member L. Rameshower thlantlin a nihna hmun Keirao-ah sawn an tum niin a sawi.

Chief Minister N. Biren Singh leh Health Minister L. Jayentakumar ten Sagolmang-a damdawi-in awmna hmun tur hi ram inchuh a nih avangin Keirao-a sawn an tum nia an sawi chu activist chuan dawt a nih thu sawiin ram inchuh a awm loh thu a sawi bawk a ni.