Manipur: PM in Karang thliarkar award hlan

Prime Minister Narendra Modi chuan Inrinni khan Manipur-a luia thliarkar awm Karang thliarkar thuneitute hnenah Karang chu ramchhunga cashless island hmasa bera an siam vang leh Goods and Services Tax (GST) bakah sorkar laipui thuchhuah te ṭha taka an zawm ṭhin avangin award a hlan.

Modi hian Pradhan Mantri Fasal Bima Yojana, Pradhan Mantri Awas Yojana (Urban and Rural), Deen Dayal Upadhyaya Grameen Kaushalya Yojana, leh digital payment chawisan avangin heng programme-a thawkṭha te hnenah hian award a hlan a ni.

Karang thliarkar hi Manipur Bishnupur district aṭangin ram­buai vangin hunrei tak paih­chhuah a ni tawh a ni.

Karang-ah hian digital payment lama training neih te chu incentive pek an ni a, POS machine panga lai thliarkar chhungah hian dah a ni bawk niin award citation-ah chuan a inziak.

He thliarkarah hian Self-help group leh youth club-te chu Aadhaar enrolment leh bank account siam vel buaipui turin sawm luh an ni a, mipui ten digi­tal payment an hmelhriat theihna turin online channel-te pawh tlangzarh a lo ni tawh bawk.

PM Modi chuaan Karang awmna district Deputy Co­mmissioner hnenah award hi a hlan a ni.

Hmarchhak aṭangin Assam-a Dhemaji leh Telangana-a Ka­rimnagar chu ‘Deen Dayal Upadhyaya Grameen Kaushal Yojana’ kalpui ṭha ber award hlan an ni bawk.