Manipur sorkar in 7th Pay Commission a thuphungin pawm

Manipur Chief Minis­ter N. Biren Singh chuan Pathianni khan state sorkar in 7th Pay Recommendations angin sorkar hnathawk te hlawh kalpui tura nawrna awm chu a thuphungin a pawm tih a sawi.

Imphal-a Bharatya Janata Party (BJP) exe­cutive meeting neihnaah he thu hi sawiin a thu­phungin pawm mah se sorkar chuan hnathawkte hlawh pun a nih theihna tur hian hun a a la duh deuh dawn tih a sawi bawk.

Manipur sorkar hna­thawk 100,000 chuang te chuan 7th pay Commi­ssion kalpui ngiat hian nawrh an lo huaihawt tawh a, hnathawk loin office-te an lo kal tawh a ni.

Deputy Chief Minister Yumnam Joykumar, finance portfolio chang tu ni bawk chuan 7th pay commission kalpui dawn chuan kumtin cheng vaibelchhe 1, 600 vel tal mamawh belh a nih dawn thu leh state in thawhchhuah mumal a neih loh avang leh central funding aṭanga sorkar hnathawkte hlawh pawh siam a nih avangin 7th pay kalpui chu a harsat thu leh a theih a rin loh thu a lo sawi tawh bawk.

Mahse heti chung hian Chief Minister chuan a thuphung chuan 7th pay hi kalpui a ni dawn tih a sawi a ni. CM hian Manipur sorkar hnathawk hlawh chu central lam sum an hmuh aṭanga tum deuh vek a nih avangin pawisa mamawh ang zat neih belh leh chu thil hautak tak a ni dawn tih a sawi.