Delhi-ah inbiakna chhunzawm turin NSCN(IM) sawm

Nagaland chief minister Neiphiu Rio chuan sorkar laipui chuan Naga buaina chu chinfel a duh tih sawiin, NSCN (IM) pawh Delhi-a inbiakna chhunzawm pui turin a sawm a ni, a ti.

Chief Minister Rio chuan union home minister Amit Shah chuan amah leh Assam chief minister Himanta Biswa Sarma-te inremna siam a nih theihna turin an hmalakna kawnga pui tura a sawm thu a sawi bawk.

September 21 khan Sarma leh Rio hian NSCN(IM) chief negotiator Th Muivah chu Dimapur-ah an lo hmu dawn tawh a ni.

Rio chuan sorkar laipui leh Naga group-ten buaina chinfel dan ngaihtuaha inbiakna an chhunzawm leh ta chu lawmawm a tih thu a sawi bawk. "Kum hnih chhung chu thil hrang hranga ngaihdan inmil loh vangin inbiakna neih pawh a lo bahlah tawh a, mahse tunah chuan sorkar laipuiin palai atana a ruat thar Mishra hoin sorkar leh NSCN(IM)-te chuan inbiakna neih chhunzawm leh an remti leh ta a ni," a ti. Mishra hian Dimparty-ah NSCN(IM) leh Working Committee of seven Naga National Political Groups (NNPGs) aiawhte pawh a hmu tawh a ni.