Assam : SPO 275 Brahmaputra-ah zuanthlak tum

Assam-a Special Police Officers(SPO) force personnel 275 zet chuan Thawhṭanni khan Assam Industrial Security Force(AISF)-a dah ngheh phutin Guwahati-a Sarai­ghat bridge aṭangin Brah­maputra luiah zuanthlak an tum.

SPO personnel hian an khaki uniform ha in lei lam hi a huho in an pan a, luiah hian zuanthlak an tum a, mahse Assam Police leh CRPF tam tham takin an lo dang a ni.

Assam Police-te leh CRPF ṭangkawp in lo dan an tum hnu hian an innek buai zui a, hemi avang hian buaina tihreh nan police-te hian an lathi charge niin police official-te chuan an sawi.

SPO-te zinga tuia tla awm palh thut laka chhanhimna hna thawk tu River police leh NDRF lawng te chu an inring reng bawk niin official thuchhuah chuan a tarlang.

SPO-te hian thuziakte kengin 2008-a lak an nih hnuah hriattirna awm miah loin an hna aṭanga chawlhtir an nih thu leh sorkar in AISF-a a ngheta a dah an phut thu te an auchhuahpui a, intunnunna tur an neih tawh loh avangin an tan nunin awmzia a neih loh thu te an auchhuahpui bawk. Sorkar leh SPO-te chuan inbiakna nei tawhin sorkar pawhin hna nghet pek tiam mah se engmah hmalakna tak tak a awm lo niin an sawi a ni.

All Assam Special Police Welfare Associa­tion president Parag Bura­gohain chuan 2010 khan SPO 900 vel an awm thu leh sorkarin hriattir lawkna pawh awm loin mi 298 chu an duty aṭanga a chawlh tir thu a sawi a, rorelna dik an phut thu a sawi bawk.