Nagaland SSA zirtirtu ten 7th RoP-a telh ngiat

Nagaland Sarva Shiksha Abhiyan Teachers’ Association-te chuan Thawhṭanni aṭang khan 7-day ultimatum siamin Nagaland sorkar hnenah state hnuaia sorkar hnathawk te rualin 7th Revision of Pay (RoP)-a telh ve an ngiat.

SSA hnuaia thawk zirtirtute hian January aṭanga an hlawh la lak loh pek an ngiat bakah &th RoP-a telh ve an ngiat a, an hlawh chu State non-plan budget aṭanga pek an ngiat bawk.

Association thuchhuah chuan SSA hnuaia zirtirtu lak, 2010 leh 2013 batch-te chu advertisement NO.ED/ADMN/1/2009-10 leh NO.ED/EXAM/2010-2011-ah state sorkar hnathawk regular pangai anga appoint an nih thu an tarlang.

Association chuan an thil ngiat hi hun tiam chhunga tihhlawhtlin a nih loh chuan na taka chet an tum thu an tarlang bawk a, member-te pawh hemi atana lo inkau turin an hriattir bawk a ni.