Nagaland, Mizoram leh Manipur-ah Ramdang mi khuahkhirhna tel lo in zin thei

Ramdang khualzin mi ten Nagaland, Mizoram leh Manipur tlawh tura special permit an neih ngai ṭhin chu tihtawp a nih thu Thawhṭanni khan Home Ministry official thuchhuah chuan a tarlang. Hetih lai hian Pakistan, China leh Afghanistan mi te erawh hei hian a huam ve lo ang.

Home Ministry official thuchhuah chuan kum 60 zet Nagaland, Mizoram leh Manipur-a Protected Area Permit regime kalpui tawh chu kum nga chhung atan hlih a nih rih hrih thu a tarlang a, hei hi April 1 aṭang khan hmanṭan a nih tawh thu a tarlang bawk.

Foreigners (Protected Areas) Order, 1958 hnuaiah hian Inner leh Intenational Border area-a state awm te chu protected area-ah puan an ni. Protected area hnuaiah hian tun dinhmunah hian Arunachal Pradesh, Manipur, Mizoram, Nagaland leh Sikkim-te hi an awm a, anni bakah hian Himachal Pradesh, Rajasthan, Uttarakhand leh Jammu and Kashmir hmun ṭhenkhat te pawh a huam bawk a ni.

Tourism promote nana ti an nih thu official thuchhuah chuan an tarlang a, hetih lai hian Afghanistan, China leh Pakistan mite erawh chuan heng state pathum te tlawh tur hian special permit an la mamawh tho tih Ministry thuchhuah chuan a tarlang bawk.