CBI in Chit Fund Scam Case-ah Tripura Minister hlui thu zawtfiah

Central Bureau of Investigation (CBI) chuan Nilaini khan Tripura-a Left Front Minister hlui Bijita Nath chu Kolkata-based Rose Valley-in investorte sum a tihchingpen sak chungchang, chit fund scam case-ah thu an zawtfiah. CBI-te hian Left Front Minister hlui tho Badal Chowdhury pawh thu an zawtfiah leh dawn.

Nath-i lawyer Haribal Debnath chuan CBI official-te chuan Nilaini khan Social Affairs and Social Education Minister hlui Bijita Nath chu MLA Hostel-ah thu an zawhfiah thu a sawi a, darkar hnih lai hun an hman thu a sawi bawk. CBI-te hian Kolkata Chit fund scam case chungchangah hian mi hrang hrang zawhna an zawh tawh thu sawiin Nath pawh hi thu an zawtfiah ve tih a sawi.

Thu zawhfiah a nih hnu hian Nath chuan official-te chuan a chhanna chu an record thlap thu a sawi a, kum kalta June thlaa an zawhna a chhanna pawh an la record fel thlap niin an sawi.

Tunkar tir khan CBI hian Tripura Assembly Speaker hnenah Left Front minister hlui pahnih Badal Chowdhury leh Bijita Nath-te chu chit fund scam chungchangah thu an zawhfiah duh thu an lo thlen tawh a, anni pahnih hi Tripura Assembly-ah Communist Pary of India- Marxist (CPI-M) legislator an ni ve ve a ni.

Chowdary leh Nath hian CBI-te chu an hriat duh thil an hria a nih phawt chuan an hrilh tur thu an lo sawi tawh a, Rose Valley chit scam case chungchanga an thu hriat ang ang te chu an hrilh dawn tih an lo sawi tawh a, CBI-te chu thawhpui an huam thu an sawi tawh bawk.

Finance, Health and PWD Minister hlui Badal Chowdhury erawh hi chu nimin khan thu zawhfiah a ni dawn a, he thu ziah lai hian chanchin kimchang hriat a la ni hman lo thung.

CPI-M central committee member and party state secretary Bijan Dhar chuan Rose valley chit scam case-ah hian an party hruaitu inhnamhnawih an awm loh thu leh CBI-te chu cetral sorkar hmanraw pakhat an nih tih mi zawng zawng in an hriat thu a sawi ve bawk a, CBI in thu hriat duh an nei a nih phawt chuan an hriat ang ang chu an hrilh dawn tih a sawi bawk.

Bharatiya Janata Party (BJP), Congress leh Trina­mool Congress (TMC) party-te chuan a hrang ṭheuh­in Triptra Left Front sorkar chu dan kalha din chit fund organization leh Non-Banking Financial Organisations (NBFCs)-te chu chawi larah an puh a ni.

Chit fund organisation - Rose Valley hi tunah chuan Enforcement Directorate leh CBI hnuaiah a awm tawh a, an hotupa ber leh chairman ni bawk Gautam Kundu pawh 2015 khan Kolkata-ah man a lo ni tawh bawk.

Tripura High Court chuan Rose Valley chit fund organization leh NBFC-te chungchang chhui tur hian 2015 khan state sorkar hnenah Special Investigation Team (SIT) din turin an lo ti tawh a ni. 2013 May thla pawh khan khatih hunlaia sorkar Left Front chuan chit fund company leh NBFC chungchangah hian case 37 chu CBI kutah an lo pe ve tawh bawk a, mashe central agency hian case panga chiah an la thung.

Tripura Chief Minister Biplap Kumar Deb pawhin CBI chu case tam zawk chhui turin a lo ngen tawh bawk a ni.