NFBS-S mi police kut aṭangin tlanchhuak

Counter-terror probe agency-ten 2015-a an man National Democratic Front of Boroland (NDFB-S) helpawl ami Kamakhya Daimary chu Nilaini khan jail aṭanga Guwahati court-a hruai a nih laiin a tlanbo niin official thuchhuah chuan a tarlang.

Daimary hi December 2014-a Assam-a Kokrajhar dis­trict-a mi panga thah thubuaiah a inhnamhnawih nia sawi a ni.

National Investigation Agency, NIA official New Delhi chuan Nilaini khan thuchhuah siamin NFBS-S helpawla mi Kamakhya Daimary, Kwnasong tia hriat bawk chu Jail aṭanga Court a hruai a nih laiin a tlanchhuak tih an tarlang a, NIA chuan bus aṭanga jail tang an phurh te an chhiarnaah a awm lo tih hi hriatchhuah a nih chauh thu an sawi.

Daimary hi December 14, 2015 khan counter-terror probe agency-ten an man a, a lakah hian thubuai eng emaw zat 2016 chhung khan thehluh a ni.

NIA chuan December 23, 2014 khan Assam-a Kokrajhar district-a Pakriguri khuaah NDFB-S mi 14-ten mi an pawngkah chiam a, hetah hian mi panga an kaphlum tih sawiin thi zingah hian nu leh naupang te pawh an tel tih an sawi a, midang pali in hliam an tuar bawk a ni.

December 23, 2014 hian NDFB-S-te hian Assam-a Bodoland Territorial Area District hmun hrang hrangah mi 70 vel an that tih NIA chuan an sawi bawk.

NIA chuan he pawi­khawihnaa inhmahnawih tih an hriat mi 23 zinga 14 chu an man tawh tih an sawi.