NTCA in Assam sorkar hnenah Kaziranga-a lung lak khap turin ti

National Tiger Conservation Authority (NTCA) chuan Assam sorkar hnenah ziaka lehkha thawnin Kaziranga-Karbi Anglong ramchhungah lung lak, rawra tura lung chhutsawm leh mining-te khap turin an ngen a, hei hian nung­cha te nunphung a tibuai nasa hle niin an sawi.

Assam Chief Secretary hnena lehkha an thawnah NTCA chuan mining leh rawra chhut chuan nungcha te chenna a tichhe nasa hle nia sawiin sakei humhalh kawngah pawh harsatna a siam thu a ziak.

Ministry of Environment, Forests and Climate Change hnuaia statutory body NTCA chuan mining leh lung lak bakah rawra chhut te chuan Karbi Anglong hills leh Kaziranga ramhnuaia lui tuite kangchah chhanah mawh an phut tir an sawi.

NTCA chuan lung lak leh mining chuan a ṭha lo zawnga nasa taka ramsa te nunphung a tihchhiat avang leh an damchhuahna chance nasa taka a tihchhiat bawk avangin tihtawp a ngaih thu an sawi a, hetianga thil a kal zel a nih chuan Kaziranga National Park pawhin a hlutna te, a chhunga nungcha cheng te pawh a hloh thei dawn tih an sawi bawk.

Wildlife activist Rohit Choudhury chuan NTCA report leh complaint-na lehkha hi Chief Secretary hnenah a thehlut a, Kaziranga National Park (KNP) and Tiger Reserve chhunga lung la tute laka dan anga hma la tura an ngenna a thlen a ni.