Manipur : 7th Pay Commission hman phutin hnathawktute nuar

Manipur sorkar hnuaia department pa­thum-te chuan 7th Pay Commission hman ngiat in Nilaini khan an department ṭheuhah sit-in demonstration an nei.

Heng department-te hi Department of Town Planning, Command Area Development leh Social Welfare Department-te an ni. Command Area Development Department hnuaia hnathawk Ali chuan state sorkar chuan 7th pay Commission chu a kalpui vat tur a ni, a ti. Department of Town Planning leh Department of Command Area Deve­lopment-te chuan JAC of AMTUC leh AMGEO-te hmalakna chu an duh tihpuitlin sak an nih hma chuan an thlawp chhun­zawm zel dawn tih a sawi.

Social Welfare Depart­ment hnuaia hnathawk Tokyo chuan thil man a to zel avangin an hlawh an kham loh thu a sawi a, 7th Pay chu hman ṭan thuai a nih theih nan state sorkar chu an nawr zel dawn tih a sawi bawk a ni.