Dec 10 aṭangin Sikkim Global Film Festival nei dawn

Ni nga awh tur, Sikkim Global Film Festival vawi hnihna chu December 10-14 chhungin neih a ni dawn tih state information and public relations department minister LN Sharma chuan a sawi.

Sikkim Film Promotion Board chairperson, Pooja Sharma chuan film festival hi Yangang, South Sikkim-a Eco-Heritage Film Village leh Tsogmo Lake-ah neih a ni dawn tih a sawi bawk. He hunah hian ram hrang hrang aṭangin filmmaker-te an tel dawn a, movie screening bakah producers' and investors meet pawh buatsaih a ni ang. Fashion show, cultural exhibition, art perfomance-te pawh a awm tel dawn bawk a ni.

Chief minister Prem Singh Tamang kaihhruai Sikkim sorkar chuan an state chhunga film tam zawk chan a nih theihna turin, tualchhunga film siamtute chu pawisa fai Rs nuai 20 bakah, national filmmaker-te chu cheng vaibelchhe khat a pe dawn tih a sawi. Mahse hemi dawng thei tur chin chu sorkarin kaihhruaina a siamah, film an channa hmun 75% chu Sikkim state chhung leh, a changtu zinga 50% tal chu Sikkim mi an ni tur tih a ni thung.