Meghalaya sorkar in Shillong Jail-ah E-Prison System hmangṭan

Meghalaya sorkar chuan jail tangte chanchin kimchang hriat nan leh jail tihchangtlun zelna atana hmalakna kawng khat ni bawkin Ninagni aṭang khan E-Prison System software an hmangṭan.

He software hi sorkar laipui siamchhuah niin state zawng zawnga jail tangte chanchin kim­chang hriatna atana siam a ni. E-prison system hian jail record-te a digitize vek bakah jail record-te pawh langtlang zawkin a hman theih dawn a, a rintlak zawk bawk a ni. He software hi Home Minister James K Sang­ma-a'n a tlangzarh.

Home Minister chuan jail modernization leh digitization kawnga step khata hmalakna a nih thu sawiin, dik taka hman a nih chuan a ṭangkai dawn hle tih a sawi. Sangma chuan jail chu reformation centre, a tangte pawhin skill development ṭha tak an neih theihna tur hmun a nih thu a sawi.

Minister chuan jail chu a tangte siamṭhatna tur a nih thu a sawi bawk a, chu chu jail siam chhan ber pawh a ni bawk niin a sawi.

Sangma chuan state sorkar in jail moder­nization kawngah hma a lak mek thu sawiin jail zawng zawngah video conferencing dah a nih theih nan theihtawp chhuah mek a ni, a ti. Video Conferencing hi dah a ni hunah chuan trail pawh jail aṭangin neih theih a ni dawn tih a sawi bawk a ni.

He software tlangzarh­na hun hi Director Ge­neral of Prisons R P Agarwal pawhin telpuiin he software hmang hian jail-a inrelbawlna hrang hrang pawh awlsam zawkin a kalpui theih dawn tih a sawi.