Nagaland : MP bye-election May 28-ah nei dawn

Election Commission of India chuan Ningani khan thuchhuah siamin Nagaland Lok Sabha MP bye-election chu May 28 hian neih a ni dawn tih an tarlang.

Nagaland Lok Sabha member Neiphiu Rio chu Nagaland Assem­bly inthlan hma lawk khan chief ministerial candidate a nih dawn avngin MP a nihna aṭangin a bang a, Northern Angami II A/C-ah a ding ta a ni.

Nagaland Chief Electoral Officer chuan inthlan atana Ga­zette Notification hi May 3 hian tihchhuah a ni dawn tih an sawi a, May 10 thleng nomination file theih a ni dawn a, May 11-ah nomination paper enfiahna neih a ni thung ang. CEO chuan May 14 thleng nomination inhnuhdawh theih a ni dawn tih sawiin May 31-ah vote hi chhiar a ni dawn tih sawiin June 2-ah chuan inthlan neih tur atana chinfel ngai zawng zawng chingfel hman vek tura ruahmanna siam a nih thu a sawi bawk.

Model Code of Conduct pawh hman thuai a nih dawn thu sawiin inthlan zawh hma chu hman a ni dawn tih CEO chuan a sawi a, Naga­land Lok Sabha inthlan ni vek hian Maharashtra-a parliamnetary consti­tuency pahnihah leh Uttar Pradesh-a constituency pakhatah inthlanna neih a ni ve dawn bawk tih a sawi.