Meghalaya: Williamnagar Constituency-ah vote 75% tla

Meghalaya East Ga­ro Hills district-a Wi­lliam­nagar assembly-ah Zir­tawpni khan bye-election chu tluang taka zawh a ni a, vote 75% a tla a ni.

Polling booth hrang hrangah zing dar 7 aṭanga tlai dar 4 thleng vote thlak a ni a, election official-te chuan tluang taka inthlanna hi neih a nih thu sawiin boruak ralmuang tak hnuaiah an inthlang tih an sawi a, district election officer Ram Kumar chuan buaina leh harsatna an tawh loh thu a sawi.

Williamnagar-ah hian voter 32,000 aia tam an awm a, polling station 58-ah vote thlak niin candidate pakua an awm a, May 1-ah vote hi chhiar a ni dawn a ni.

Meghalaya Assembly inthlan hi February 27 khan neih ni tawh mah se Williamnagar consti­tuency-a NCP candidate Jonathone N Sangma chu bomb hmanga thah a nih avangin Zirtawpni khan an inthlang ve chiah a ni.

Williamnagar consti­tuency inthlan hian Me­ghalaya-a sorkarna siam turah nghawng a nei tawh dawn lo a ni.

Hetihlai hian Elec­tion Commission chuan Ampati legislative Assembly bye-poll chu May 28 hian neih a ni dawn tih an puang tawh bawk. He bialah hian Mukul Sangma chu a inhnuh­dawh avangin seat hi a ruak a ni.