AP in Textile Industry din turin sorkar laipui ngen

Arunachal Pradesh Textiles Minister Tamiyo Taga chuan state chhunga Textile industry din a nih theih nana hma la turin sorkar laipui a ngen.

Tamiyo Taga chuan kar kalta Ningani-a New Delhi-a textiles ministers’ meeting neihah Union Textiles Minister Smriti Irani hnenah Arunachal Pradesh district tinah textile industry dinsak turin a ngen a ni.

Taga chuan power looms, yarn dyeing pro­cessing unit, raw material bank, silk spinning mill leh crafts village-te district tina dinsak turin a ngen bawk a, infrastructure development-a one-time grant pawh pe turin a ngen bawk.

Minister chuan Irani chu textile ministry hnuaia scheme hrang hrang an kalpui avangin a fak hle bawk a, Union Minister chuan scheme hrang hrang chu guideline thar leh dan thar avangin kalpui chak a har tih a lo hrilh ve bawk a ni.