Meghalaya sorkarin CRPF camp sawn dan tur sawipui

Meghalaya-a Mawlai-a CRPF camp sawnchhuah tur chungchang chu Nilaini khan state sorkarin CRPF official-te meeting a neihpui.

CRPF camp sawnchhuak tur hian mipui lamin sorkar an nawr nasa tawh hle a ni. Nilainia meeting-ah hian chief minister, deputy chief minister, home minister, police department leh CRPF official-te an tel a ni.

Home minister Lahkmen Rymbui chuan CRPF camp nghet dahna tur chungchang an sawiho thu sawiin, CRPF chuan state mipuite himna chu an dah pawimawh hle a ni, a ti. Camp sawnchhuahna tur chungchangah hian thutlukna erawh an siam nghal mai thei lo tih a sawi a, mahse sorkar chuan a hun takah a tifel dawn a ni, a ti.

August thla khan Mawlai-a chengte hian an huam chhunga CRPF temporary camp siam chu an duh loh thu an sawi tawh a, Nongkar biala chengte chuan CRPF mi leh sate hian an hmunhmate an suasam sak niin an sawi. CRPC camp awm vang hian an him phah lo tih sawiin, buaina chhuahna hmunah a chan phah zawk niin an sawi a ni.