Manipur-a Indopui II hunlaia bomb puakah mi 2-an thi

Manipur-a Moreh khuaah Nilaini khan Indopui II-na hunlaia mi nia hriat bomb a puak a, mi pahnih an thi.

He bomb puak Nilaini tlai dar 4 vel khan unau pahnih, Lienkhogin Gangt leh Lalsangmoun Gangte te chuan Longkhichoi, Morea Ward No. 9-a an in hnung lama lei an laihnaah bomb hi lo awmin an chek fuh a, a puak zui ta a ni. A hmunah an unau hian a thi zui nghal a ni.

Manipur-ah hian nikum November thla khan Moreh khuaah Indopui II hunlaia mi nia hriat bomb 122 vel chhar a lo ni tawh bawk. Hemi hma June, 2020 khan Churanchandpur district-ah Indopui II hunlaia mi vek mortar shell pahnih chhar a lo ni tawh bawk.

WW-II Imphal Campaign foundation chairman, Rajeshwor Yumnam chuan Indopui II laia British-in 'Burma campaign' a neihah khan Moreh chu ralthuam tam tak a chhekkhawlna niin a sawi a, Nilainia bomb puahna hmun pawh hi British sipaite ralthuam dahna hmun pakhat niin, nikuma bomb tam tak an hmuh ṭum pawh khan an lo tlawh tawh tih a sawi.