Oct 3 zanlai aṭangin Manipur-ah total shutdown huaihawt dawn

Manipur-a Naga hruaitu Athuan Abonmei thah a nih chungchangah pawikhawhtute man leh hremna pek phutin Joint Action Committee (JAC) chuan October 3 zanlai aṭangin darkar 24 awh total shutdown huaihawt an tum.

Manipur chief minister N Biren Singh chuan Abonmei thah a nih dan chhui turin National Investigation Ageny (NIA) hnenah ngenna vawi hnih an thawn tawh a, union minister Amit Shah pawh amah ngeiin sawipui a tum tih a lo sawi tawh a ni.

Mahse JAC leh political leader ṭhenkhat chuan Abonmai case chhui hna tihkhawtlai zel a nih vangin an lungawi lo tih an sawi. Congress MP leh All India Congress Committee observer for Manipur, P Bordoloi chuan, he pawikhawihna thleng chungchangah hian BJP kaihhruai sorkar chuan engtinmah hma a la la lo tih a sawi. Mi tam takin state sorkar chuan tualthat thubuai chhui hna tikhawtlaiah an puh bawk.

Lungawi lohna lantira darkar 24 awh total shutdown hi September 30-ah neih tum an ni a, mahse Manipur revolutionary leader hmasa ber, Hijam Irabot piancham vawi 125-na a nih avanga civil organisation hrang hrangten sawn tura an ngen avangin October 3 zanlai aṭanga neih turin JAC chuan an sawn a ni.