Nagaland sorkar lakah High Court-ah PIL thehlut

Nagaland sorkar chu sorkar hmasa, NPF kaihhruai DAN sorkarin cheng vaibelchhe 15 hmanna tur, Special Road Development Program (SRDP 2017-18) atana a sum hmuhte thildanga hmanga puhin Gauhati High Court, Kohima bench-ah sorkar lakah petition a ni.

Petition thehluttu Jeange KN Konyak leh Y Hetokhu Awomi te chuan Gauhati High Court, Kohima Bench-ah petition hi an thehlut tih sawiin May 14-ah hearing neih a ni dawn tih an sawi.

Petitioner-te chuan NPF Regime hnuaiah, SRDP Fund 2017-18 chu Work Agency hnenah pekchhuah a nih thu an sawi a, PDA in sorkarna an siam khan Project 15 chu replace a nih thu an sawi a, Project 17 zinga pahnih chiah kalpui a nih thu an sawi bawk.

Petitioner-te chuan Chief Minister Neiphiu Rio chuan fund-te chu a duhdana khawih danglamin a awmna khuaah leh Dimapur district-a khaw hrang hrangah hman a nih thu an sawi a, cheng vaibelchhe nga chu a makpa hmingin bitumen supply nana dah a nih thu an sawi.