Tripura : Thla 10 chhungin hmeichhe laka pawikhawihtu 200 chuang man

Tripura sorkarin report a tihchhuahah, nikum September thla atang khan hmeichhiate laka pawikhawihna thleng kaihhnawihah thla 10 chhungin mi 200 chuang man an ni.

Sorkar data a landanin, nikum September leh kumin June inkar khan hmeichhe laka pawikhawihna thleng thubuai 240 ziah luh a ni. Heng zinga case 128 chu pawngsual thubuai niin, mipat hmeichhiat lam hawia inkhawihna thubuai 111 a tel bawk. Thubuai 151 aṭangin police-te chuan pawikhawihnaa inhnamhnawiha puh mi 207 an man tawh bawk. National Crime Records Bureau (NCRB) 2020 data tihchhuahah Tripura hi hmarchhak state zinga hmeichhiate laka pawikhawihna thlen tam lama a pahnihna a ni.

Thla 10 chhung vek hian nu 586 leh hmeichhe naupang 111 bo report thehluh a awm bawk. Police-te chuan an zing aṭang hian nu 536 leh hmeichhe naupang 108 te chu an chhanchhuak tih an sawi.