Manipur inthlan tur pualin JP Nadda leh Amit Shah-ten meeting nei

BJP national president JP Nadda leh union home minister Amit Shah-te chuan Inrinni liam ta khan Manipur assembly inthlan tur pualin New Delhi-a party headquarters-ah meeting an nei.

Meeting-ah hian BJP national general secretary (organisation) BL Santosh, union minister in-charge for Manipur Bhupendet Yadav leh party state in-charge Sambit Patra bakah Manipur chief minister N Biren Singh pawh an tel.

Manipur assembly inthlan neih tur atana inbuatsaihna leh party hma lak dan tur hrang hrangte an sawiho a, assembly bial 60 din­hmunte chipchiar takina thlir ho a ni.

Kum 2017 assembly inthlanah khan BJP hian assembly seat 60 aṭangin seat 21 a la pha a, independent MLA leh regional party-te thawhpuiin, a ṭum khatna atan Manipur-ah sorkar an siam a ni. Nakkuma inthlan turah hian hma sawn a, party mala sorkarna siam theih an tum a ni. An pawl thuam chakna turin JP Nadda pawhin state president pawh a lo thlak tawh bawk.

BJP khingpui ber tura ngaih, Congress party chu an party MLA leh hruaituten tun hnaiah an chhuahsan fo avangin kum danga an dinhmun an pha lo hle nia sawi a ni.