Sikkim leh Arunachal Border area Parliamentary Panel-in tlawh dawn
Congress MP Shashi Tharoor kaihhruai Parliamentary Standing Committee on External Affairs, Rahul Gandhi pawh a telna chuan tun thla chhung hian Sikkim leh Arunachal Pradesh-a India leh China inrina an tlawh dawn.
Panel hian Doklam-a India-China sipai inep chungchang an enfiah dawn a, Foreign Secretary Vijay Gokhale-an hemi chungchang a lo sawifiah te pawh an enfiah nghal dawn a ni.
Panel hian van lam aṭang pawhin ramri dinhmun chiang zawka hriat a nih theih nan helicopter pawh an hmang dawn nia sawi a ni a, henglai hmuna awm top security leh defense official-te pawh an kawm nghal dawn bawk.
India leh China sipaite hi nikum June 16 aṭang khan Sikkim-a Doklam-ah hian ni 73 zet an inep a, Chian lam hian India ramchinah kawngpui an lo siam chu India sipai ten an lo dan avangin ram pahnih sipaite hi an inep a ni.
Hemi chungchangah hian foreign ministry official-te chuan parliamentary panel member 31 awmna hi Bhutan-in India a thlawp thu an lo hrilh tawh bawk.
Ramri buaina chungchang sawihonaah hian Congress president Gandhi chuan China-a foreign official awm te chu China in engvanga Doklam kher hi buaina siamna atana thlang nge a ni tih a zawt niin thudawnna chuan a tarlang. Gandhi hian China in Doklam bulah eng chin nge kawng an siam tia a zawhna chu India ramchinah engmah an tidanglam lo tiin an chhang nia tarlan a ni bawk.