Sikkim : Rangpo-ah Civil Judge-cum-Judicial Magistrate court hawng

East Sikkim-a Rang­po-ah Thawhṭanni khan Sikkim High Court Chief Justice, Justice Satish Kumar chuan Civil Judge-cum-Judicial Magistrate court a hawng a, he hunah hian Chief Minister Pawan Chamling pawh a tel ve bawk.

Justice Agnihotri chuan court hawnnah hian thu sawiin Rangpo Sub-Division-a court hawnna leh Buddha Purnima chu inrem tak a nih thu a sawi a, court hawn a ni chu lawmawm a tih thu sawiin Chungthang leh Soreng dawtah Sub-Divisional level-a Court dang hawn a ni leh chu a lawmawm takzet a ni, a ti.

Chief Justice chuan Rangpo leh a chhehvela chengte chu buaina chinfel tur an neih hunah pawh Gangtok pan kher ngai tawh loin Rangpo an pan mai thei tawh dawn thu a sawi a, court din a nih theihna atana Chief Minister leh state sorkar hmalakna chu lawmawm a tih thu a sawi bawk.

Hetihlai hian South Sik­kim-a Jorethang-ah pawh sub-divisional level cort peih leh ṭep a nih thu a sawi a ni.

Chief Minister Pawan Cham­ling pawhin thu sawiin court hawnni chu ni danglam tak mai a nih thu a sawi a, Rangpo leh a chhehvela mipui chengte chuan an kawngka bul maiah rorelna dik an hmu thei tawh dawn niin a sawi.

Chief Minister chuan state sorkar in state judiciary system tihhmasawn a tum nasat thu a sawi a, human resource bakah infrastructure lamah pawh hmasawnna kawng an ngaihtuah tih a sawi a ni. CM chuan state sorkar in state chhunga District leh sessional court-ah te pawh an mamawh ang zat ministerial staff pek an tum thu a sawi bawk.

Chamling chuan state chhungah rorelna dik a tam thei ang bera lekkawh a nih theih na sorkarin hma a lak thu a sawi bawk a ni.