Cachar Paper Mill-a thawk te hlawk lak theih loh vangin nuar

South Assam Barak Valley-a Cachar Paper Mill-a thawk, contractual workers union-te chuan Thawhṭanni khan Mill kawtah nilengin nawrh an huaihawt a, thla 20 hlawh an lak tawh loh avanga an lungawi lohna an lantir a ni.

Contractual workers union member-ten hlawh lak vat phuta nawrh an huaihawtnaah hian Cachar Paper Mill Project Workers Union president Manabendra Chakraborty chuan April 23 aṭang tawh khan tiamchin awm loa chaw ngheia nawrh huaihawt an tum tih a sawi a, mahse mill thuneitu ten thla thum chhung hlawh an pe dawn tih an sawi avangin nawrh hi an ṭhulh leh rih tih a sawi.

Chakraborty chuan hetiang hian sawi mah se thla khat hlawh chiah an lak leh si avangin an lungawi lohna hi an lantir leh ta niin a sawi a, thuneitu lam chuan Thawhṭanni hma ngei khan thla hnih dang hlawh hi pek an tiam bawk niin a sawi a ni.