Rahul Gandhi-a'n Meghalaya Congress hruaitute hmu

Meghalaya-a Congress party chhunga inhriatthiam lohna awmte chinfel dan ngaihtuahin, party hruaitu Rahul Gandhi chuan khan an party hruaitu hlun, chief minister hlui Mukul Sangma leh party state president Vincent H Pala-te chu New Delhi-ah a kawm.

Meghalaya Congress unit president atana Vincent H Palla ruat a nih hnu hian CM, Congress Legislature Party leader Sangma nena an inkar boruak hi a ṭha lo hle nia sawi a ni.

Sangma chuan party hruaitute hian Pala ruat a nih dawn hian an berawn ve lo niin a sawi a, a lungawi lo a ni. Hei vang hian Mukul Sangma hian Congress party a chhuahsan dawn nia sawi thawm pawh a awm hman a ni.

Mahse kar liam ta Inrinni khan Sangma leh Pala-te hi inhmuin, an state assembly by-election neih turah Congress tana theihtawpa thawhdun an rel a ni. Hemi hnu hian Rahul Gandhi chuan a chenna inah hruaitu pahnihte leh Meghalaya in-charge Manih Chatrath bakah AICCC general secretary KC Venugopal-te chu a hmu a ni.

Congress party hian constituency pathuma by-election neih tur atana candidate pawh siam tawhin, Mawryngkneng-ST bialah Highlander Kharmalki, Mawhphlang-ST bial-ah Kennedy C Khriem leh Rajbala bialah Hashina Yasmin Mondal te an ruat.