NEIGRIHMS bula AP guesthouse hmang ṭan ta

Arunachal Pradesh sorkarin Shillong-a North Eastern Indira Gandhi Regional Institute of Health & Medical Sciences (NEIGRIHMS) bula an state aṭanga dam lo leh a hruaitute hman tura a siam, Patient Guesthouse chu an hmang ṭan ta.

Guesthouse-ah hian AP aṭanga dam lo in entir tura kal leh anmahni hruaitute chauh an awm thei dawn a, a tirah ni sarih chhung atan awm theihna pek phawt niin, a ṭul dan azirin ni thum pawhsei leh a ni ang. Hemi baka awm chhunzawm an la ngai a nih chuan anmahni enkawltu doctor lehkha an thehluh tel a ngai ang.

Dam lo leh a hruaitute tan room luah man hi AP sorkarin subsidized rate-in a siam a, ei leh in pawh rate pangngai angin siam a ni a, mahnia inbawl chawp duh tan pawh a theih bawk ang. Guesthouse-a awm turte hian deputy resident commissioner, Shillong kaltlangin booking an tih lawk a ngai thin dawn a ni.