UNC in boundary structure la boah Myanmar Security Force-te puh

United Naga Council (UNC) chuan Indo-Myamar border-a ram inrina chhinchhiahna boundary structure dah thar chu Thawhlehni zanah khan lak bo a nih thu sawiin, Myanmar security force-te chu a la bo tu an nih thu an sawi.

UNC chuan Border number 82-a Naga ram chin, an pipu te hunlai aṭang tawha an ram chin chu Myanmar thuneituten an dai nia thu an dawn avangin UNC leh Maring Uparup (Maring apex body)-te chuan an enfiah a, hemi a nih avang hian an ram chin chhinchhiah turin Thawhlehni khan concrete structure te tak te an siam niin an sawi a ni.

He structure an siamna hi N Satang Maring khuaah leh Chotong Maring khuaah a nih thu sawiin structure an siam lai pawh hian Myanmar mite an lokal tih an sawi.

UNC chuan structure an siam zan, Thawhlehni zanlai khan Myanmar security force-te chu lo kalin an structure chu an la bo niin an sawi a ni.

UNC president Gaidon Kamei chuan he thil thleng avang hian an lawm loh thu sawiin pipute hunlai aṭang tawha an ram a nih thu sawiin Naga mipui te chauh lo chuan helai hmunah hian thuneihna an nei lo tih a sawi.

Kamei chuan an ram chin chu engpawh huama an humhalh tlat dawn thu a sawi.

UNC chuan Myanmar lam aṭangin mi­sual te lo kalin Naga thingtlang khuaah pawi an rawn khawih ṭhin tih an sawi bawk a ni.