Sikkim-a Pakyong Airport hi India rama functional airport 100-na a ni dawn : Jayant Sinha

Minister of State for Civil Aviation Jayant Sinha chuan Nilaini khan Sikkim-a Pakyong airport chu ramchhunga functional airport 100-na chiah a nih dawn thu sawiin June-ah commission a ni dawn tih a sawi.

Pakyong aiport-ah hian SpiceJet thlawhtheihna chuan man tlawm chi ho chu ṭum phalna permission pek an ni tawh a, civil aviation ministry regional connectivity scheme hnuaiah Kolkata aṭangin Sikkim-a a thlawh hi phalsak a ni tawh.

Ramchhunga aiport awm lohna state awmchhun ni ṭhin Sikkim-ah pawh hian tunah chuan airport mumal tak siam a ni tawh a ni.

Sinha chuan Pakyong airport chu hman ṭan a nih veleh aviation map-ah an dah ve dawn thu a sawi.

Regional connectivity scheme hnuaiah hian aiport 25 chu aviation network-ah hian telh an ni ang a, scheme hnuaia aiport siamna hmun Jamshedpur, Cooch Behar, Durgapur, Kullu leh Pantnagar-ah te chuan May/June vel aṭang hian thlawhtheihna thlawh ṭan tir tum a nih thu Airport Authority of India chairman Guruprasad Mohapatra chuan a sawi.