Arunachal CM in Medical College din vat a nih theih nan MCI ngen

Arunachal Pradesh Chief Minister Pema Khandu chuan Ningani khan Medical Council of India (MCI) president Dr Jayshree Mehta chu New Delhi-ah hmu in state chhunga medical college hmasa ber tur Itanagar-a din tur chu a hma thei ang bera bul ṭansak turin a ngen.

Pema Khandu chuan Tomo Riba Institute of Health and Medical Science (TRIHMS), Arunachal-a medical college hmasa ber tura ruahman-a an hmalak dan leh infrastructure leh administration mai bakah faculty-ah pawh hmasawnna an neih dan a hrilh bawk. CM chuan MCI President chu co­llege dinna atana mamawh ang zawng zawng pawh tihhlawhtlin vek an tum thu a hrilh.

MCI President chuan Chief Minister hnenah chuan an hmalak tawhna chu lawm­awm a tih thu leh a theih ang anga ṭanpui a inhuam thu a sawi a, medical college pawh din thuai a ni dawn niin a sawi bawk.

Arunachal Pradesh-ah hian medical college hi kum 2015-a din tawh tura ruahman kha a ni a, mahse vawiin thleng hian an la din lo a ni.

Nilaini khan Khandu hian Union Health Minister J.P. Nadd pawh hemi chung­changah hian bia in academic session ṭan leh hunah chuan TRIHMS pawh hian ṭan ve tawh se a duh thu a sawi.

Chief Minister hi Principal Resident Commissioner Jee­tendra Narayan leh Health Commissioner Kaling Tayeng ten an ṭawiawm a ni.