Assam : Certificate lem hmanga hna hmutu zirtirtu 36 thubuai siamsak

Assam Police-a Criminal Investigation Department (CID) chuan Bodoland Territorial Region (BTR)-a zirtirtu lak zinga Teachers Eligibility Test (TET) certificate lem hmangtu mi 36-te thubuai a siamsak.

Chief minister Himanta Biswa Sarma chuan hna dilna atana Director of Education, Kokrajhar-a TET certificate lem hmang an awm nia complaint a luh hnuah hemi chungchang hi chhui chiang a, thubuai ziaklut turin CID Assam hi a hriattir nghal a ni. CID hian an chhui hnuah, thil dik lo awm hi an hmuchhuak ta a ni tih police department chuan a sawi.

Sorkar school-a zirtirtu hna laknaah TET certificate hi neih tel ngei ngei a ngai a ni. Zirtirtu lak tharte hi CID headquarters-a koin thu zawhfiah an ni a, certificate lem hmangte hi hmuhchhuah an ni ta a ni. An zinga ṭhenkhat chuan test an fail chungin TET certificate lem hi thehlutin qualify angin an insawi a, ṭhenkhat chuan roll number lemte an hmang bawk. Candidate tling lo ṭhenkhatte chuan a tling zawkte number chu lo an hmansak bawk niin CID thuchhuah chuan a tarlang.