Nagaland-a healthcare worker 83% ten vaccine dose kimin la tawh

Nagaland state Covid-19 War Room-in a tarlan danin, an state chhunga healthcare worker zingah 83% chuan Covid vaccine dose bikimin an la tawh.

Department of Health & Family Welfare’s (DoHFW) chuan September 30 thleng khan ram pumah healthcare worker zingah vaccine dose khatna la hi 63% an awm tawh niin a sawi a, hetihlai hian Nagaland-ah chuan heathcare worker 16,062 zingah 15,996-in vaccine dose khatna an la tawh a, a la zat hi 99% dawn a tling pha a ni.

Healthcare worker 13,362 te chuan vaccine dose hnihna la tawh bawkin, 83% an tling a ni.

Frontline worker zingah mi 61,207 aṭangin 60,935 in vaccine dose khatna hi an la tawh bawk a, a dose kima la tawh hi 47,294 awmin 77% dawn a tling pha tawh bawk.