Meghalaya : Ampati by-poll-ah Mukul Sangma fanu ding dawn
Meghalaya Eptu pawl hruaitu ber leh chief minister hlui ni bawk Mukul Sangma-a fanu Miani D Shira chu May 28-a Ampati constituency by-election-ah Congress ticket in a ding dawn niin Inrinni khan party official-te chuan an sawi.
All India Congress Committee (AICC) general secretary Mukul Wasnik thusawi thurchhuakin state congress official-te chuan AICC president Rahul Gandhi pawhin Ampati constituency-a Congress candidate tur hian Shira rawtna pawh hi a pawmpui tawh tih an sawi a ni.
February 27 khan Mukul Sangma hi Ampati constituency-ah leh Songsak constituency-ah hian a ding a, Ampati constituecy-ah hian a inhnukdawk leh a, hemi a nih avang hian Ampati constituency-ah hian May 28 hian an inthlang ṭha leh dawn a ni.
Inthlan result hi May 31 hian puan a nih dawn thu Chief Electoral Officer F R Kharkongor chuan sawiin May 14 thleng hian nomination-tite an inhnukdawk leh thei dawn a ni. Kharkongor chuan venhimna pawh ṭha taka kalpui a nih dawn thu sawiin central armed police force company li dah an nih dawn tih a sawi.
BSF-te pawhin Indo-Banglandesh border ṭha taka an venhim dawn thu sawiin Assam-a district official-te pawh inthlanna hlawhtling tak neih a nih theih nan an ṭanpuina ngen a nih tawh thu Kharkongor chuan a sawi bawk.