Police officer thah a ni dan chhuichiang turin Assam CM in thu pe

Assam Chief Minister Sarbananda Sonowal chuan Inrinni khan Zirtawpni zana hel kuta nunna chan ta, Police officer Bhaskar Kalita thih dan chhuichian a nih dawn thu sawiin a bullet-proof jacket hak quality pawh enfiah a ni dawn tih a sawi.

Zirtawpni zan khan ULFA (Independent) hel pawl te leh police-te chu Aru­nachal Pradesh leh Assam inrina Tinsukia-ah an inbei a, Bordumsa Police Station Officer-in-charge Bhaskar Kalita hian a nunna a chan a ni.

Director General of Police Kula Saikia chuan jacket chu engtika lei nge a ni tih leh a supplier tunge tih chhui chian a nih dawn thu a sawi.

Poilce officer nunna chan ta nupui Sangeeta Kalita, Assam Police (Special Branch) hnuaia thawk ve tho bawk chuan bullet-proof jacket a pasal in a hak chu a quality a chhiat thu leh a hatu tan pawh a him zo lo niin a sawi a ni.

Zirtawpni zan khan Bordumsa bula in pakhatah ULFA(I) hel pawlte an tawm tih an thudawn bawhzuiin Assam Police-te leh CRPF Cobra Battalion-te chuan beihpui an thlak a, an in­kahnaah hian OC hian a nunna a chan ta a ni.