Tripura-a CPI-M office-ah hriamhrei man
Tripura-a West Tripura district chhunga Champaknagar khuaa Communist Party of India- marxist (CPI-M) local committee office-ah hriamhrei man a nih thu police-te chuan an sawi.
Champaknagar hi Tripura state khawpui, Agartala aṭanga km 22 vela hlaa awm a ni a, police te hian an thudawn bawhzuiin CPI(M) office hi an dap a, chempui pahnih leh Khurkri (Nepalese chemte) an man thu Superintendent of Police of (Police Control) Harkumar Debbarma chuan a sawi a, tumah man erawh an nei lo tih a sawi bawk.
He thil thleng chungchang hi an hriat velah Bharatiya Janata Party (BJP) thupuangtu Mrinal Kanti Deb chuan hriamhrei an man hian CPI(M)-te chu inthlan zawh hnua tharum thawhna thlen an tumzia a tilang chiang hle niin a sawi.
Deb chuan CPI(M)-te hian an office-ah inthlan hma aṭang tawh khan ralthuam hi an dah tawh thu a sawi a, inthlan hma khan an party thlawptute tihhlauhthawn nan an hman thu a sawi a ni. Deb chuan police-te chu fakin an hnathawh avang chuan mipuiten himna an neih phah niin a sawi a ni.
CPI(M) state secretary Bijan Dhar chuan he thilah hian an party in inhnamhnawihna an neih loh thu a sawi a, hriamhrei leh ralthuam party office-ah an dah loh thu leh an office tam zawk chu BJP hoodlums-ten a chhuhsak thu leh an kalh thu a sawi. Char chuan hriamhrei pawh hi BJP ho dah niin a sawi.
Hetih lai hian Tripura-ah tho hian police-te chuan brown sugar, nar-cotic tablet leh air gun an man bawk.
Police-te chuan heng an ruihhlo leh silai man te hi Math Chowmuhani area-a in pakhat aṭanga an man thu sawiin he thil kaihhnawihah hian mi pathum an man tawh thu a sawi a ni.